Byrjenda- og framhaldsnámskeið í málun með olíulitum og/eða akríllitum. Einnig notast við vatnsliti og fleira við vinnu í skissubækur. Farið verður í grunnatriði lita- og formfræðinnar og margvíslegar æfingar gerðar þar að lútandi. Einnig verður farið í myndbyggingu og hugmyndavinnu. Skoðuð verða verk ýmissa málara af ólíkum uppruna, stefnum og stílum. Leitast verður eftir léttu og skemmtilegu andrúmslofti sem gott er að vinna í.
